大契blog：慈母心聲
「我話係就係，呢度唔係法庭，唔使證據，我對眼就係證據。我睇人幾十年，邊個係人，邊個係鬼，我睇得出！」
「大家在前門捉賊，你們在後欄放火……」
我係凌巧，文咸東街人人都叫我做大唐太，今日係呢度開BLOG，做個網誌。
每日記低一啲事，寫低一啲感受，不過，呢個網誌係有限期，可能好快就會停咗，突然間有日冇人再更新入面嘅內容，唔使覺得好突然，因為我都唔知自己仲可以捱幾耐。
我係一個癌症病人，而且已經係晚期，雖然我屋企啲人一直鼓勵我要有信念，但係我自己心裡明白，呢場仗唔易打。
亞欣同我講過，早幾年有個女仔，好後生又係有個咁嘅病，但係佢好堅強，唔單止同病魔鬥到底，佢仲將生活上嘅點點滴滴記錄係佢自己網上嘅日誌，同人分享，當 時吸引咗好多人上唻睇，佢地都為呢個女仔担心，怕有一日突然間冇人去更新內容。後來個女仔終於去咗，但係個網仍然冇停落唻，因為佢媽媽為咗完成個女嘅心 願，所以自己走打睇書學上網，然後去延續呢個網。我聽咗之後真係好感動，親情嘅力量真係好大。好似我咁，明知呢場仗咁易打，但係仍然要打落去，目的係唔想 屋企人難過。
所以如果有一日突然間無人唻再更新，你地唔需要覺得奇怪，可能我已經去咗好遠嘅地方。
呢幾日身體一直好虛弱，連行幾步路力都冇，我仲可以撐倒幾耐呢？
早幾日亞琴唻過，亞琴係邊個 ?佢係我先生唐仁佳嘅另一位太太，自從上次係屋企趕咗佢走之後，今次係我地第一次見，亞琴係醫院同我認錯，講咗好多野，我睇得出佢仲係好想番唻唐家，但係我都係果句，普通朋友。
好多人話我好做得好絕，好狠，佢都低聲下氣認錯番唻，佢始終同唐仁佳做咗三十幾年夫妻，而且仲有個歡仔。
我係唔係好狠呢？可能有啲人會係咁樣諗，覺得我做得好絕，甚至有人話我冇權咁做，但我只係知如果亞琴真係返唻，頭家就會散。不過真係難為咗歡仔，呢個傻仔 心地真係好，佢果日同我講果陣講到口窒窒，我仲記得佢講，大媽呀，你覺唔覺得有啲嘢，爭少少就爭好遠，好似頭先鮑飽副牌咁，爭一隻就咩都做唔到…，其實佢 一講我已經知佢想點，佢無非係想自己亞媽可以返唻，我好明白，做仔女嘅梗係想自己父母响埋一齊。
我覺得我真係要同亞歡講一聲對唔住……
好累，好虛弱，唔再寫啦，再見！
————————————————————————————————————-
佢地個個都想瞞住我，唻探我果陣問親咩都話好好好，我明白佢地係度諗咩，佢地唔想我知，驚影響情緒，但係佢地又知唔知咁樣咩都唔講對我係好殘忍，我真係好想知，每一日屋企發生咩事，我希望可以係我有生嘅日子，幫倒佢地，就算只係幾句說話都好吖。
我吩咐得得地返去屋企，將我嘅意思講俾佢哋聽。
夜晚我响醫院接倒個電話，我知道係屋企打唻，但係我聽唔倒佢地講咩，可能又响度嘈…最後終於俾我聽清楚，係得得地把聲，佢真係將我要講嘅說話講晒出唻，佢 講得好啱，大契就嚟死啦…佢咩都唔知架啦！咩都幫唔到架啦！大契真係好想幫我地幫到最後一分鐘，幫到最後一口氣架！呢個係佢心願嚟架！！
呢個真係我嘅心願，我對住個電話講，得得地，你要幫我撐住頭家呀。
其實我真係唔知咁樣做係唔係啱，將枝龍頭棍交俾得得地，仲要佢以後要仍然帶俾屋企歡笑，要福笑臨門，佢到底撐唔得住呢？
但係，如果我去咗，我又可以將呢頭家交俾邊個呢？
转载自 HERE
我还会继续更新,敬请留意。
